السلام عليكم
رمضان خلاص راح والحمد لله كنت صايمه تمام التمام يعنى بس باكل لبن وسيريلاك ريرى لان سيريلاك نسله مقاطعه طبعا
وعيدت مع بابا وماما بس تيته ماما تعبانه شويه وان شاء الله تخف بسرعه وتلعب معاى
انا كبرت شويتين وبقى عندى 9 شهور وكل شويه ماما تقول قرب عيد ميلادك ياهنون وانا مش افهم يعنى ايه عيد ميلاد وادينى مستنيه لما يجى وافهم بقى انا امبارح عرفت اصفق وماما وبابا بقوا مبسوطين وبعرف ازحف خفيف خفيف وبمسك فى هدوم بابا كل شويه واحاول ازحف من فوقه لكن بيكون عايز ينام انا مش عارفه ايه الناس اللى بتنام بليل ديه هما ما يعرفوا ان النوم بيبقى بنهار بالله عليكم حد يفهمهم عشان انا صغيوره ومش اعرف اتكلم اسبكم بقى مع صورى
والختـــــــــام مسك 
