ما يدور فى عقل بابا وماما

ازيكم عاملين ايه انا كبرت دلوقتى وبدأت ادرك الى حد ما الدنيا من حولى لكن اوقات بتجيلى ذكريات من بيتى الاول (بطن ماما) حبيت احكى عنها يمكن تلاقوا تفسير ليها  وكمان عشان تدركوا مدى العبء اللى على بسبب افكار واحلام بابا وماما

ايوه انا فاكره اليوم ده اول يوم ماما عرفت انى احتليت بالقوه وبفرد الذراع وممكن الرجل كمان رحمها ماما ما كانت مصدقه  وسجدت سجده شكر لربنا كانت فرحانه انا كنت فاكره انها فرحانه قوى عشان بعد 4 سنيين اخيرا ربنا هيرزقها بطفل لكن كان فى سبب تانى اهم عندها من ده كله  سمعتها بتوشوشنى بيه وانا جوا  كانت ماما زى معظم الناس بيتابعوا اخبار المحرقه الشنيعه على اخواتى فى غزه ماما ما قدرت تستحمل كل ده اول مره تدعى ربنا بقوه اول مره تطلبها من ربنا انه يرزقها بطفل وان شاء الله هتوصله لصفوف المجاهدين  واتكلمت مع بابا فى الموضوع ده وبابا وافق ولان الدعوه كان من جوا القلب فعلا بعد شهرين ماما حملت فى وطبعا عرفتم ليه كانت سعيده  ماما طول عمرها كانت بتتمنى ان اول مولود ليها تكون بنت وتكون ذريتها فيها بنات كتير ولو مفيش ولاد يبقى كويس  لكن بعد  معركه الفرقان بقى نفسها فى ولد واحد على الاقل  تحس انها عملت به حاجه للاسلام وتحتسبه عند الله باذن الله شهيد وكانت عايزه تسميه (القسام) رغم اعتراض الكل لكن نفسها يبقى القسام التانى باذن الله ياااااا افتكر ماما قبل ما تعرف انى بنت كانت بترسم على الورقه صوره قبر ومكتوب عليه   

  (الشهيد/القسام....واسم بابا)                                                

 لما عرفت ماما انى بنت فرحت لان امنيتها زمان اتحققت لكن ما زالت امنيتها التانيه لم تتحقق بعد وده طبعا بيحملنى مسؤليه ماما وبابا كلفونى بيها ان باذن الله يكون من ذريتى من يحرر المسجد الاقصى  ....تفتكروا هكون جديره بالمهمه ديه  دعواتكم

من المواقف الطريفه فى يوم ولادتى ان ماما كان ناسيه انى بنت لما فاقت من البنج بابا بيقولها يالا عشان تشوفى هنا القموره قالت(حلوه يالا ودوها فلسطين ..) كنت عايزه اصرخ واقولها كده ياماما ضحكتى على الناس انا بنت ياماما بنوته حلوه وصغيوره لكن بصراحه كنت تعبانه وجعانه ففضلت انى انام احسن

والى اللقاء مع ذكريات اخرى......