السلام عليكم
هنا حبيبتى بحب قوى لكن دلوقتى بحبك اكتر واكتر جيتى بالهنا كل حبيبتى من ساعه ما نورتى الدنيا وانا حاسه انه هيحصل تغير جذرى فى بلدنا لان ده اللى طلبته من ربنا قبل ما اطلب انه يرزقنى بيكى
مصــــــر اتحررت ياهنا وان شاء الله تعيشى زمن فيه حريه بجد ونكلمك عن مبارك العووووووو ونحكيلك اجرامه وتستغربى ان واحد زى ده كان ماسك بلد
لازم تعرفى ان كلنا كان لازم نضحوا عشان كده شجعت باباعلى حضور الثوره حبيبتى والله ما كان يغلى على الثوره والحريه ياحبيبتى الحمد لله رجع بابا لينا بخير رغم سقوط مئات الشهداء حبيبتى
وبكره تكبرى ونحكيلك ملحمه الثوره ومتأكده باذن الله ان عنيكى هتبرق وتفتحى بقك هههههههههههه
واحب انقلك رساله بابا كتبهالك قبل ما يروح ميدان التحرير
بسم الله الرحمن الرحيم
الحمد لله رب العالمين والصلاه والسلام على سيدنا محمد صلى الله عليه وسلم واله وصحبه اجمعين اللهم انك تعلم انى لم اخرج الا فى سبيلك ومن اجل اعلاء الحق وكلمه الله عز وجل احقاقا للحق وابطالا للباطل فان الظلم قد تفشى فى بلاد المسلمين من قبل حكام جائرين ولذلك فانى قد خرجت لقول كلمه حق عند سلطان جائر ولذلك فان اوصى وصيه لاهلى جميعا ان يتقوا الله وان ينكروا المنكر ويامروا بالمعروف وانتى يابنتى الغاليه ياهنا ولك من اسمك حقيقه اعيشها فانت هناء حياتى ونور عينى ياصغيرتى وحبيبه قلبى اوصيك بان تجعلى القرآن صديقا لك حفظا وفهما وعملا وتلاوه آناء الليل واطراف النهار فانه العز وهو شرف المؤمن والقائد الى الجنه هو كلام الله هو الدستور والمنهج هو طب القلوب ودوائها هو النجاه ياحبيبتى واعلمى انى احبك حبا جما
